விடலைக் காமம் -நிஷா

ஊருக்கு வெளியே ஒதுக்குப் புறமாய்
இரண்டாம் காட்சி
காமப் படம் பார்த்துவிட்டு
கிராமம் திரும்ப பஸ் இல்லாமல்
குட்டியானையின் பின்புறம் 
சிமெண்ட் மூட்டைகளின் நடுவே
முகம் மறைத்து..

சீருடை நிறம் மறைத்து..
சால்வைபோர்த்தி 
பதுங்கி அமர்ந்திருக்கும் 
விடலைச் சிறுவனால்
மறைக்கவே முடியவில்லை...
அவன் கண்களில் 
பொங்கி வழிந்து 
சிமெண்ட் மூட்டைகளை
நனைத்துக் கொண்டிருக்கும்,
காமக் கடும்புனலை..!!